مرحباااااااااا...
انا ييييييييييييييت....
شكرا لكل من زار مدونتي المتواضعة...
أتمنى بألا تكون الزيارة الأخيرة...
أتمنى بألا تكون الزيارة الأخيرة...
*********************************
انقطعت عن المدونة لفترة، وقد ذكرت السبب سابقاً، تم وبحمد الله الانتهاء من تصميم واخراج مجلة الضاد 2009.
وهذا هو غلاف المجلة، المجلة مازالت قيد الطباعة، كلنا أمل بأن تكون بين أيدينا قريباً جداً إن شاء الله.
*********************************
الخبر الجديد ويعتبر الأهم منذ خبر تخرجي من الجامعة عام 2007 أي منذ سنتين هو:
انني والحمد لله والشكر موصول لـ د. فاطمة البريكي (استاذ مشارك في جامعة الامارات العربية المتحدة) لترشيحها لي، وأيضا للدكتور إبراهيم (مسؤولي في العمل^_^) لإعطائي الفرصة، قد حصلت على وظيفة في جامعة الامارات العربية المتحدة/طلاب، سعيدة جدا بالاستقرار النفسي الذي اشعر به، لم اتصور بان تكون الوظيفة مهمة لحياة الفتاة لهذه الدرجة!!!
قامت شقيقتي العزيزة بانشاء حفلة صغيرة بهذا الخبر السعيد....
نتلقى التهاني والتبريكات في مدونتي هنا ... خخخخخ...*********************************
=( خربطيشن تايم )=
*********************************
ذاك اليوم كنت فاظية <<< كأنه شي يديد !!!! انزين المهم... وسويتي الشلقا عندي.. (سويتي قطوة اختيه).. ويلست اخبل بها... لين صدق يننتها... شوفوا النتيجة. 
ترا هذا التهديد كله لي... من صدددددددق كانت زايغه خخخخخخ...
هاي صوره ثانية لها بس للأمانة الفنية بنت اختيه(ثــ) مصوره هالصورة...
خبلة هالقطوة... كله كووووم ويوم تلحق الماوس على الشاشه ويوم يختفي توايج ورا الشاشه تدوره وين راح كوووم ثاااااني...لوول
*********************************
آخر قراءاتي... قصة لدانييل ستيل اسمها (صاحبة السمو الملكي)،قرأت لين الحين فصلين تقريبا... تتكلم عن حياة اميرة في اوروبا...لكن لين الحينه ماحس ان فيه اي آكشن بدأ، لكن احس ان الفصل الثالث مختلف.. بوافيكم بالاخبار عنها يوم اتعمق فالقصة اكثر....
سلااااااااااااااااااااام.....
8 التعليقات:
ماشاء الله .. أخيراً توظفتِ ؟
مبارك عليكم الوظيفة .. والله ييسر ويسهل عليكم ..
وعقبالنا يارب .. بس سنتين أحسه واااااااايد .. -__-
الله يعين ..
انزين عيل وين العزيمة ؟XD
شكل " الشلقا" عصبت صـح ..
هممم .. سؤال :
حاطين " شلق " على الكيكة ولا أنا " احوّليت " ؟
finally .... mabrook mabrool am really happy for
you ....
wish you all the best sweetie
oh you read Danil too, i havent read this one i've read alot of her books and you are right maybe after you reach chapter 5 the things starts to get exciting... tell me how it is if you recomend me to go buy it or ...
& see you soon *kiss*
مرحبا وسهلا اخوي Hajouni
نورت المدونة ...
الله يبارك فيك ويسلمك... الحمد لله توظفت بعد عناء
لكن السنتين من بعد التخرج ماكنت فاظيه فيهم كنت اخذ كورسات واطور من شهاداتي فاشياء مختلفه لين جمعت مجموعه حلوه من الشهايد الادارية والفنية واللغوية والخ...
وغيره اني قضيت فترة اشهر في التدريب... يعني بصراحه ماحس اني ظيعت وقتي او كنت فاظيه في فتره من الفترات خخخخ
الحمد لله على كل حال...
القطوة مب الا عصبت الا زين ماعفدت على ويهي وشوهتني...
ذاك اليوم كانت تحفه..
بخصوص الشلق... هههههههه لا مب شلق هذا شي يشبه الشلق بس ينحط عالكيك عادي.. هذا اقتراح حرمه اخوية هي اللي يابته وبما ان نحنا عايلة خبايل... حطيناه عالكيكة واللي فيها فيها <<< انتحاريين..خخخ
لا تقطع الزيارات
حوووووووووووووووبي مسك.
شخبارج الغاليه عساج بخير....
الله يبارك فيج حبيبتي...الف شكر..
بخصوص القصة.. بصراحه هي شدتني وايد خصوصا اني احب قصص الرويال والملوكية ودسائسهم وسوالفهم العبيطه خخخ..
بوافيج باخبار يديدة عن القصة..
على فكرة وين ملف البنرات اللي قايله بتطرشينه لي يادوووبه :( اترياااا انا.
hala bel7ob kela *heart*
ana 6arashtah email >>>> yalla go and check your mail ....and am waiting for you
ألف مبروك الوظيفة اليديدة
قطوتكم :( ذكرتني بقطوتي ....
لا تطفرونها جيه شفيكم! خبلتوبها مسكينه ..
شريرة انتي ...
نوعية الكتاب ما تستهويني وايد، بس في كتاب كنت اباه عن وحده مغربية وللاسف ما حصلته!
أما أنا اللي سوولي حفلة الوظيفة؟
دكاترة الجامعه والاستاف في جامعة الامارات :)
كان يوم لا ينسى .. شعور حلو
الله يوفقج ان شاء الله
هلا والله ليل دي...
نوررررررتي المدووونة....
الله يبارك فيج الغالية تسلمين....
احلى شي فالقطاو يوم تلعبين وياهن... في لحظة يكرهنج ويعظن ويهددن وفي لحظة ثانية عقبها عادي يرقدن فحظنج هههههههه
يعرفن الفرق بين اللعب والجد... بس في حالة سويتي الشلقا...اشك انها تعرفت على الفرق لين احينه.. مينونة من الخاطر كل شي لعب وظرايب عندها.
الكتب... انا مجنونة كتب ... اي شي احصله اقراه..
يوم اروح المكتبة او اي مكان فيه كتب... ودي اخم الرف باللي فيه واشتريه هههههههه
عشان جي تلقيني اقرا وايد مواضيع مختلفه.. حتى مال الأرواح اقراه..
وعسى ربي يوفقج في وظيفتج وحياتج الغاليه.
أول مره أطب هالمدونه
و أول بوست أقراه لج...
عيبتني سالفة قطوتكم الشلقا خخخ
الله يعينها عليج خخخ
عموما...
استانست وأنا أقرأ البوست ^.*
مرحبا وسهلا بج اختي "مجرد نقطة"..
نورتينا بزيارتج... ولا تستغربين ترا مدونتي يديدة نوعا ما عشان جي يمكن ماشفتيها من قبل...
اسعدتني زيارتج... اتمنى ماتكون الاخيرة..
حياج الله..
إرسال تعليق